名為呀JUN慶生會,實為處理嵐妹事務。
不過都買咗肯基,用薯蓉作CAKE!
一如最近,吹咗成晚水。完全沒有看節目。哈哈
スポンサーサイト
表姐終於約理姐妹出嚟傾。
去咗IFC間agnes b cafe。
個style好靚。
不過表姐都冇準備,樣樣野都係未諗好/剛搞好。
wedding planner全力幫佢plan,半抄的底下,叫做出咗個大概。
姐妹們不斷插表姐,好似記招咁,好好笑。
跟這班姐妹們有些陌生,雖然名字常聽,有些也應該在中學時見過。
不過很好笑就是了。
婚禮簡單沒問題,但時間太緊迫就實在令人很緊張。
之後就去了跑馬地的聖瑪嘉利大堂。
哥式教堂。我給細姨做花女的教堂。哈哈
夜晚去看電影「轟天猛將」。
好多大粒明星。
跟住去小肥羊打邊邊。
CWB嗰間任食真係好抵。坐得又舒服。
加少少錢仲有任飲啤酒。
好飽呀
個電話真係好鬼唔掂,GSM制式成日收唔到。原本想去買電話,點知kitty介紹嗰間舖休想五天。
結果走咗去食sushi,一壽司。
九點前入座,唔多人。等咗5mins左右。
呢間真係唔錯,好好味呀!
可能因為係同鋒鋒B去食
飽到呢…
不過仲去食糖水。哈哈
馬尼拉事件。
因為我在不久前曾到過馬尼拉,所以早上同事就跟我說到馬尼拉有脅持旅巴。
當時只有點驚訝,實在沒想到事情發展如此嚴重。
所以夜晚去了做facial,完全不知道發生什麼事。
直至回到家,鋒鋒B告知我已死了六人…
立即開互動新聞台 + 上網睇報導。
思緒慢慢整理,重組「案發」經過。
接著下來幾天就一直留意新聞。
或許事件在「車箱」內發生,更加添想求真相的心態。
越知越恐怖,開始驚慌。
呢啲係咪所謂心理問題?太投入了,要開始減少接觸好一點。
不過,我並不是同步看事件,要是同步看著事件發生,應該更深感受吧。
香港其實也常發生意外傷亡事件,這件事或許最震撼的地方是「搶殺」吧。
因為變成不是「意外」或「災害」。
是被人屠殺。
不過事件已發生,只能希望死者能安息,生還者能好好生活,要快點RECOVER。
今年第一次游船河。
風和日麗。
少有地响中環上船,仲要十點集合。我地去翠華食完個早餐,晨早就去到碼頭。
等咗…成個鐘先齊人。
架船係靚船,可是行得太慢。足足用了2小時才到西貢。
人太多,所以我地都係响海度漂下游下。
好彩早上船食野,原來野食訂唔夠。
我地亦早早沖好身,坐在上層船頭HEA。
去了雅蘭食中菜,原來不知不覺易咗手,變咗又貴又一般。
蠢咗
跟住去朗豪坊睇戲「魔法師的門徒」。
跟住去食糖水,BB個榴槤雪白涼粉好好味
男友同事生日,响太子的舊式大厦天台BBQ。
上咗七層樓梯,快死咁濟 @@
大熱天時BBQ,真係熱到呢…
食物質素一般,價錢不算便宜…唔…
唯一係近囉!哈哈
今天睡晚了,遲了入去探媽媽、契媽。
結果媽媽全程黑晒面。
我地就好無謂咁坐响沙發睇電視、雜誌…
跟住好無謂咁出返去。唉…
夜晚去CWB CEO唱K。
呢間比TST嗰間多野食喎。
唱得很滿足的一晚
今日入屯門跟1仔 & 3仔慶生。
放工後响旺角食啲野就坐vann仔入去。
2仔開始完全唔聽人講野,但1仔就開始識諗。
不過仍然好易忟憎,一發起癲嚟uncontrol呀。
不過睇住2仔同1仔玩super mario wii真係好爆笑。
2仔拎住個手制响度跳。佢以為要同mario一齊跳。
夜晚响表哥度食埋晚飯,諗住去行下黃金海岸。
點知行過咗龍,行到腳都軟,結果只在廣場逛了一圈就坐返車走。
熱爆又攰爆,租碟回家看。
講咗幾個月,終於去影貼紙相。
兩個白痴中佬中女,搞咗好耐都唔識畫,呀姐經過睇唔過眼,幫我地,但已經times up..........(爆)
不過貼紙相真係影得個人特別靚,殘到爆都影唔到出嚟!正
跟住去花園餐廳食dinner。好耐冇据扒 ^^
跟住就去看Inception!
因為聽説套戲好難明,好亂…比matrix仲難明…etc。
所以有晒心理準備。
看戲時也不敢發呆,很用心去看。
結果…
一啲都唔難明喎。
我平時看複雜點的電影時,成日會唔明。
看完inception才發覺,原來有分別。
對於錯綜複雜的關係、人物、案中案、陰謀論…等等。
我理解力很低…
但對於抽象、邏輯、感受…等等。
我理解力比較高…
今次亦然。
離場時,有班o靚仔o靚妹高聲談論:呢啲戲係咪比天才睇架?